№14 көру қабілеті нашар балаларға арналған мектеп балабақша кешені мектепалды даярлық тобының балалары үшін ШҚО балалар мен жасөспірімдер кітапханасының қызметкерлері Самуил Маршактың кітаптарын оқуға қызығушылықты арттыруға бағытталған іс-шара өткізді. Оның шығармалары әр уақытта балаларды ақылдылыққа, шыншылдыққа, батылдыққа, ізденімпаздыққа тәрбиелейді. Балалар кітапханашының мәнерлі орындауында тақпақтар, ертегілерді қызығушылықпен тыңдады, театрландырылған көріністерге қатысты, жұмбақтарды тапты, жазушының ертегілері бойынша сұрақтарға жауап берді.