Дүниежүзілік «Жер күні – 22 сәуір» мерекесі қарсаңында ШҚО зағип және нашар көретін азаматтарға арналған арнайы кітапханасының қызметкерлері бастауыш сынып оқушыларына «Жердің жас қорғаушылары» атты кітапханалық сабақ өткізді. Балалармен әңгімелесу барысында табиғатты қорғау және планетамыздағы барлық тіршілік иелеріне қамқорлық көрсету туралы айтылды. Оқушылар адамның қоршаған ортаға жауапкершілікпен қарауы туралы әңгімеге белсене қатысып, мәнерлеп өлең оқып, ән шырқады, белгілі жазушылардың табиғат туралы кітаптарына шолуын тыңдап, ұсынылған кітаптарды үлкен қызығушылықпен қарап шықты.